![｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡](https://usercontent.one/wp/mon.kaowao.asia/wp-content/uploads/2024/07/IMG_6503-360x180.jpeg)
အဝ်ဂတ် ၂၂-၂၀၂၃
ပ္ဍဲစၠတ်ထဝ်ဇၞော် နိဂီုဍုင်ဧကရာဇ်သေံ သွက်ဂွံရုဲစှ်ပတိုန်သ္ကိုပ်ဝန်ဇၞော် မရနုက်ကဵုလၟေင် ၃၀ တၠ တ္ရဲဏံထပ်ပါ်မာဲအလန်တတိယဏံဂှ် ဗော်ဖေအ်ထာဲ Phue Thai လုပ်ရုဲစှ်အာရောင် ဂွံပရိုင်ရ။
.ပ္ဍဲပေါဲရုဲမာဲ မေ ၁၄ တေံ မဂွံလဝ်မာဲဒုတိယဂၠိုင်အိုတ် နကဵုဗော်ဖေအ်ထာဲ သ္ပသ္ကိုပ်သ္က ပံက်အာဂကောံအလဵုအသဳတၟိရောင် အကာဲအရာစိုပ်ကၠုင်တုဲ နဒဒှ်အလံင်သ္ကိုပ်ဝန်ဇၞော်ဂှ် ရုဲစှ်ပတိုန်လဝ်စရင် ညးတၠပိုန်ဒြပ်တြေံပရေင်သွံရာန်တိဂအာင် နာဲသရက်ထာ Mr, Srettha ရ။
.တုဲပၠန် နကဵုဗော်ဖေအ်ထာဲ ရန်စွံလဝ်အလံင်သ္ကိုပ်ဝန်ဇၞော် ၃ တၠ ပတိုန်လဝ်စရင်ကု စၠတ်ထဝ်တုဲ အပ္ဍဲဏံ ကောန်ဝုတ်သ္ကိုပ်ဝန်ဇၞော်တြေံ Paethongtarn Shinawatra လေဝ် ပါလုပ်မံင်ရောင် ဂွံတီရ။
.ဗော်ဖေအ်ထာဲ သွက်ဂွံဒက်ပတိုန်ပံက်အာ ဂကောံအလဵုအသဳမာန်ဂှ် ပံင်တောဲအာကဵု ဗော်လပါ်ရဲဒပ်ပၞာန် မပ္တံကဵု ဗော်ညဳသၟဟ်ကောန်ဂကူသေံ United Thai Nation Party ကေုာံ ဗော်ဖလာန်ပရချရာတ်တံ ဂွံလဝ်ဒၞာဲအမာတ် ၇၆ တၠဂှ်ရောင်။
ပ္ဍဲကဵုအလဵုအသဳပံင်ကောံ ဗော်ဖေအ်ထာဲ မအာက္ဍိုပ်ဏံမ္ဂး ဒက်လဝ်မဟာမိတ် ၁၁ ဗော်ပါလုပ်မံင်သီုဖအိုတ်တံ ဂွံလဝ်လၟိဟ်အမာတ် ၃၁၄ တၠဓဝ်ဒှ်မံင်တုဲ သွက်ဂွံဒှ်သ္ကိုပ်ဝန်ဇၞော်လၟိဟ်မာဲ ၃၇၆ ဂွံပေင်မာန်ဂှ် နွံမံင်ပၟိက်လၟိဟ်မာဲဏီရောင်။ .
အတိုင်ဗော်ဖေအ်ထာဲ ပၠုပ်လဝ်စရင် Mr. Srettha Thavisin ညံင်ဂွံဒှ်သ္ကိုပ်ဝန်ဇၞော်မာန်ဂှ် အမာတ်စၠတ်ထဝ်လ္တူ ၁၉၀ တၠတံ ထံက်အာဂလာန်ပေင်င်ရောင် အမာတ် Wanchai Sornsiri ဟီုလဝ်ကဵု ဌာန်ပရိုင်တံရ။
ဆဂး အပ္ဍဲကဵုဗော်ဖေအ်ထာဲ သ္ကိုပ်သ္ကပံက်အာဂကောံအလဵုအသဳဏံဂှ် ရဲဂွံလဝ်မာဲဂၠိုင်အိုတ် ဗော်ဆက်တရဴဂတ Move Forword Party ထံက်ဂလာန်ဟွံမာန်ရောင် လလောင်တြးလဝ်ရ။
