![｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡](https://usercontent.one/wp/mon.kaowao.asia/wp-content/uploads/2024/07/IMG_6503-360x180.jpeg)
ကဴဝဴ ဂျောန် ၁၂၊ ၂၀၂၃။
ပ္ဍဲတိဍာ်ပၠန်ဂတးကရေင်ဍာဲကေုာံ ဒေသဆက်စပ်မံင်တံ စကာသုင်စောဲ Starlink Internet ဂွံမံင်ယျဏောင် David Eubank ရဲနူဂကောံ Free Burma Ranger(FBR) ချူလဝ်ပ္ဍဲမုက်လိက်ပရေင်မၞိဟ် Twitter ညးတေံရ။
ဒၞာဲဒေသကရေင်လ္ရဵုလ္ရဵု ဗဂပ်စကာမံင် Starlink Internet ဂွံကီုလေဝ် လပါ်ဍုင်ဇၞော်လွိုင်ကဝ်တံ ဂွံဟွံချိုတ်ဏီ ဟီုဂးမံင်ရ။
“လၟုဟ်ပိုဲစိုပ်မံင်ဍုင်ဗၟာ ဒှ်မံင်ပေါဲဗတိုက်ဇၞော်အပ္ဍဲဍုင် သၞာံလံလဗွဲမဂၠိုင် စနူသၞာံတုဲကၠုင်ဏံ ပေါဲဗတိုက်ဇၞော်ကဵုဇြဟတ်ဆက်ဒှ်ကၠုင်တုဲ ရဲဒးဂြိပ်ဘဲပၞာန်တံလေဝ် ဂၠိုင်တိုန်ပၠန်၊ မွဲကရောံကဵု ရဲဒးအောပ်မာမံင် ကောန်င္ရာ်ရဲဒဴပၞာန်တံဏံကီု သီုကဵုကၟိန်သ္ရိဌာန်ပိုဲတံ ချူပလံင်ဏာလိက်ဂလာန်တင်ဂုဏ်ကု အဳလောန်မာက်ကဵု ရဲကါန်ပဏဳ Starlink တံ” ဂျောန် ၈ ဂှ် David Eubank ချူလဝ် Twitter ရ။
နကဵုဥပဒေအမေရိကာန် Buama Act ထံက်ပင်ကဵုလဝ်ဏောင် ပရိုင်တိတ်မံင်ကီုလေဝ် စပ်ကဵုပရေင်ပရူဏံတုဲ ညးသ္ပလဝ်ဒတန်ဟီုဂးလဝ်ဂှ် ဟွံဆဵုဏီ။
သြန်စရိတ်ထံက်ပင်နာနာ၊ နဲကဲပညာ၊ လွဟ်ဂစိုတ်မၞိဟ်ဟွံသေင်တံဂှ် “နကဵုသၞောဝ် Buama Act သွက်ဂွံထံက်ပင်အာ ဂကောံမဒစဵုဒစးမံင်အလဵုအသဳပၞာန်ရောင်” အလဵုအသဳအမေရိကာန် လလောင်တြးလဝ်ရ။
ကောန်ပၞာန်တြေံအမေရိကာန်တံ ဒက်လဝ်ဂကောံ Free Burma Ranger(FBR) တုဲ ဗွဲတၟေင်ချဳဒရာင်မံင် ဒၞာဲတိဍာ်ကရေင်ဍာဲ KNPP, ကရေင် KNU တံကီု နူဏံမွဲအဆံင် စပ်ကဵုပရေင်ပၞာန်၊ နဲကဲပညာပၞာန်နာနာ ကေုာံ အထံက်အပင်သြန်တံဂှ်လေဝ် ကဵုမံင်ဒပ်ကောန်ဍုင်အရင်တံကီုရောင် ဂွံတီရ။
