ဒိုပ်ဗၠာဲသၟိင်ကြုင်ဒဵု PDF ပန်ဖျေံကဵု Drop Bomb ဒးလဝ်�

Kaowao (30 May 2023)

ဗ္ဒိုပ်ဗၠာဲသၟိင် ဍုင်ကြုင်ဒဵု ပွိုင်ဍုင်ကံကြိက် တ္ရဲဏံ မေ ၃၀ အခိင်နူဂယး ၉ နာဍဳပြင်င်ဂှ် ဒပ် PDF တံ နကဵု Drone ပန်ဖျေံဏာ Drop Bomb မွဲမ ဟတိုဟ်အပ္ဍဲဒၞာဲဗဒိုပ်ဂှ်ရ ညးတာလျိုင်ဗၠာဲသၟိင်လ္ရဵု ဒးအာလဝ်ဘဲဝပ်နွံ ဂွံပရိုင်ရ။

ဒုသ္ကိုပ်ဗၠာဲသၟိင် ခရိုင်ကံကြိက် ခင်ဇော်၊ ဒုဂအုပ်ဗၠာဲသၟိင် ကျော်သူရ ဒးအာဘဲဝပ်(ဟွံဒးဂွိင်) ကေုာံ ကောန်အရာပ်ညးဍုင်ကွာန်မွဲတၠ ဒးအာဘဲဝပ်(ဒးဂွိင်)တုဲ ပလံင်စွံလဝ်ရုင်ဂဥုဲ ကြုင်ဒဵု သာ်ဝွံTelegram တြးဝါဒပၞာန်တံ ချူလဝ်ရ။

ဒှ်အာဟိုတ်သာ်ဏံတုဲ ပၞော်ပါင်ဂၠံင်လုပ်ဍုင်ကြုင်ဒဵုဇၟာပ်ပ်ဒိုဟ်ဂှ် ပၞာန်ဗၟာတံတာဗဒေါအ်လဝ် ကွဳစက်ဟွံကဵုလုပ်တိတ်အာကၠုင် မွဲဗဂါပ်ကီု ညးဍုင်ကွာန်ဍုင်ကြုင်ဒဵုမွဲ ဟီုရ။

“ဗဒိုပ်ဗၠာဲသၟိင် ဗုမ်ဗြုအာတုဲ ပၞာန်ဗၟာတံ ဗက်ပန်ဖျေံမံင်လွဟ်ဇၞော်ကြာန်ကြာန်၊ ဖေက်ဒးညးဍုင်ကွာန်တံရ”ဂးရ။

ဟိုတ်နူ Drop Bomb ဟတိုဟ်လဝ်တုဲ ဒပ်ပၞာန်ဗၟာနွံကြုင်ဒဵု ခမရ ၅၄၅၊ ၅၄၆ တံ ဒၞာဲရဲ PDF တံနွံမာန်ချိင်ခယျကေတ်တုဲ ပန်ဖျေံဏာလဝ်လွဟ်ဇၞော် 60-MM, 81-MM တံဂှ် ဒၞာဲလဵုဒတုံစှ်ေမံင် ဟွံဂွံပရိုင်ဏီ။

မေ ၂၉ နူတနေံတေံဂှ် ရုင်ဗျူဟာပၞာန်ဖျေံလဝ်သ္ဇိုင်ကြုင်ဒဵုဂှ် ရဲဒပ် PDF တံ ကၠုင်ဖျေံလဝ် Drop Bomb ကီု ရဲတြးဝါဒ Telegram ပၞာန်တံ ချူလဝ်ရ။

မေ ၂၈ အခိင်ဗ္တံတေံဂှ်ကီု ဒပ်ပၞာန်ဗၟာ ခမရ ၅၄၆ ဟိုတ်နူထဍိုင်ပန်လဝ်လွဟ်ဇၞော် မကမ်ဒတုံခတိုဟ်ပ္ဍဲကဵုကွာန်ကံကာဂှ် ကောန်ကွာန် ၃ တၠဒးအာဝပ်၊ သ္ရိ ၆မလီုလာ်အာ၊ အပ္ဍဲပွိုင်မွဲဂိတုမေဏံ ဟိုတ်နူလွဟ်ဇၞော် စှ်ေဟတိုဟ်လဝ်ပ္ဍဲကွာန်ကံကာဏံတုဲ ညးဍုင်ကွာန် ၆ တၠဒးလဝ်ဘဲဝပ်၊ သ္ရိ ၁၀ မဟွံက လီုလာ်အာလဝ်နွံ ဗော်ကရေင် KNU လလောင်ပတိတ်လဝ်ပရိုင်ရ။

Boost post