သွက်ဂွံဗတိုက်ဒပ်ပၞာန်ဗမာဂှ် ဒပ်ကောန်ဍုင်အရင်တံ နွံကၠုင်ပၟိက်သြန်ဗွဲမဂၠိုင်တုဲ ထပ်ဟလိုင်ပတိတ်မံင် ဂဥုဲချေံရောင် ညးတာလျိုင်ဒပ်ပၞာန်သေံမွဲတၠ ဟီုဂးလဝ် ပ္ဍဲဂျူလာင် (၈) ဂှ် လိက်ပရိုင် Bangkok Post ချူလဝ်ရ။
ဆဂး ဒပ်ကောန်ဍုင်အရင်လဵု ပတိတ်မံင်ဂဥုဲချေံၜူမာဲတံဂှ် နကဵုယၟုချိုတ်တ်ပၠိုတ်တ် ဟွံဟီုပတိတ်လဝ်ပရိုင်ဏီရ။
သွက်ဂွံရာန်လွဟ်မကမ်တံကီု သွက်ဂွံကဵုအထံက်အပင် ကုရဲဗတိုက်ပၞာန်တံကီုဂှ် ဂကောံရပ်လွဟ်ကောန်ဍုင်အရင်တံ နွံပၟိက်သြန် ဂၠိုင်တိုန်အိုတ်စောန်ရောင် ဒုသ္ကိုပ်ဒပ်ဖာမောမ် သ္ကိုပ်ဗိုလ် မဳဆာဲနဳဠာဆက် ဟီုရ။
အပ္ဍဲကဵုသၞာံဏံဂှ် မဂဥုဲချေံ ၁၅၁ သင်ဃဲ ပဵုဂၠိုင်တိုန်နူကဵုသၞာံအာတေံ ၄၂ သင်ဃဲကီု ဘိင်ဗု ၂၅၆ ကဳလဝ်ဂရာမ်၊ မဂဥုဲအာ် ၁၃၅၀ ကဳလဝ်ဂရမ်ကီု နကဵုဒပ်ဖာမောမ် သီရပ်ဂွံလဝ်၊ ပ္ဍဲပေါဲဗတိုက်ဒေသပယျဵု ပရေင်ရပ်စပ်ဂဥုဲၜူမာဲ အပ္ဍဲသၞာံဏံဂှ် ရပ်ဂွံမၞိဟ် ၃၄၇၊ မၞိဟ်ချိုတ်အာ ၂၉ နွံမံင်ရောင် ဂးရ။
ဒပ်ဖာမောမ်ဝွံ ပ္ဍဲကဵုဒေသပယျဵုဆက်စပ်ဍုင်ဗၟာ မပတမ် ခရိုင်ဇင်မာဲ၊ ချေန်ရာဲ၊ ဖာယာအိုဝ်၊ နာန်၊ ဥတရာဒေတ် ကေုာံ ဗိသနိုလော် သ္ကုတ်ဒေသပၞာန်သၟဝ်ကျာဍုင်သေံ ဇမၠိုင် ၉၀၀ ကိုလဝ်မဳတာပြင် ကေတ်လဝ်တာလျိုင် ပရေင်ဂီုကၠီု ဂွံတီရ။
Ref; Bangkok Post.