![｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡](https://usercontent.one/wp/mon.kaowao.asia/wp-content/uploads/2024/07/IMG_6503-360x180.jpeg)
ၜင်ကံက်-အဝ်ဂတ် ၄။
သွက်ဂွံပံက်အာဂကောံအလဵုအသဳတၟိဍုင်သေံဏံ ရန်လဝ် ဝန်ဇၞော်ဒၞာဲအဓိက ၅ ဒၞာဲဂှ် ဗော် Phue Thai လလောင်တြးဏာ လိက်ပရိုင် The Nation ချူပတိတ်ပ္ဍဲတ္ရဲဏံရ။
သွက်အလံင်သ္ကိုပ်ဝန်ဇၞော်ဂှ် ရန်လဝ်တၠကမၠောန်တြေံ ပရေင်သွံရာန်ဂအာင်သ္ရိတိ သရိတ်တာ တာဗေန်သေန် Srettha Thavisin တုဲ သွက်ဂွံဒုင်ရုဲစှ် စုတ်အာစရင်ပ္ဍဲကၠတ်ထဝ်ရောင် ဂးရ။
ကုက္ဍိုပ်သ္ကိုပ်ဗော် ချိုနာန် သဳရိကဝ် Cholnan Srikeaw ဂှ် နဒဒှ် ဝန်ဇၞော်ကေင်ကင်အပ္ဍဲဍုင်၊ ကောန်ဝုတ် တက်သေန် ပေတုန်တာန် ယှေန်နာဝါတ် Paetongtarn Shinawatra ဂှ် နဒဒှ် ဝန်ဇၞော်ဍုင်သအာင် ပၠုပ်အာစရင်ရောင် ဂွံတီရ။
တုဲပၠန် နဒဒှ်ဝန်ဇၞော်ပရေင်ကၠေင်စက်နာနာဂှ် ရန်လဝ် ညးအုပ်ကာဗော် ပရာသာတ် ဂျာန်တာရာ Prasert Jantararuangtong ကေုာံ နဒဒှ်ဝန်ဇၞော် ပရေင်ပလံင်ဗစိုပ်နာနာဂှ် ဒုက္ဍိုပ်သ္ကိုပ်ဗော် ရုဲစှ်လဝ် ဂျူလာပါန် အမန်ဗဳဗက် Julapun Amornvivat တံတုဲ ပတိုန်ဏာစရင်ရောင်
သွက်ဒၞာဲဝန်ဇၞော်ပရေင်ဘဏ္ဍာဂှ် ရုဲစှ်နူညးစၞးဗော်တၞဟ်ဟ်၊ ဒၞာဲဝန်ဇၞော်သှ်ေမံင်တံဂှ် ချပ်စကဵုဗော်ပံင်ကောံတံတုဲ ရုဲစှ်အာရောင် ဗော် Phue Thai လလောင်လဝ်ရ။
ဗော်ပံင်ကောံလဝ်တံဂှ် ထေက်ကဵုလၟိဟ်ဒးဂွံထေက် ဒၞာဲဝန်ဇၞော် ဒုဝန်ဇၞော်တံဂှ် ပါ်ပရအ်ကဵုအရင်ညးတံ အတိုင်လၟေင်ဂွံလဝ်မာဲတံရောင် လိက်ပရိုင် The Nation ချူလဝ်ရ။
ပြဟ်ပြဟ်ဏံ ကောံဓရီုကၠတ်ထဝ် ဒဵုကဵုအဝ်ဂတ် ၁၆ တေံဇူဒေါအ်လဝ်ဏီတုဲ အမှုအလံင်အမာတ် Pita ရုင်သၞောဝ်ဓဝ်ပရေင်အုပ်ဓုပ်ဍုင် စၟဳစၟတ်ဖျေံသ္ဂုတ်သွာတ်တုဲမှ သွက်ဂွံဆက်ပံက်အာနွံ လိက်ပရိုင်သေံတံ ချူလဝ်နွံရ။
Source; The Nation
