![｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡](https://usercontent.one/wp/mon.kaowao.asia/wp-content/uploads/2024/07/IMG_6503-360x180.jpeg)
ကဴဝဴ-၀၂ ဂျူလာင်၊ ၂၀၂၃။
ကောံဓရီုကမ္မတဳဒေသပယျဵု Thai- Myanmar Regional Border Committee- RBC သေံ-ဗၟာ မရနုက်ကဵု ၃၅ ဝါ ကၠောန်ဗ္ဒျ် ပ္ဍဲဍုင်ဇင်မာဲဂှ် သ္ကိုပ်ကစထ (၄) ဒပ်ပၞာန်ဗၟာ ဒုသ္ကိုပ်ပၞာန်ဇၞော် ညောအ်ဝေန်ဇြိုယ် တိုန်စိုပ်လဝ် ဂွံပရိုင်။
ညးတာလျိုင်အဆံင်သၠုင် အကြာဒပ်ပၞာန်သေံကဵုဗၟာ ၂ ဍုင်ဏံ ဒၞာဲ Green Lake Hotel ဍုင်ဇင်မာဲ ပ္ဍဲဂျောန် ၂၈-၂၉-၃၀ ပွိုင် (၃) တ္ရဲ ကောံဓရီုတက်လဝ်ကျာတံ မုတင်နင်အရာကိစ္စသာ်လဵုသဳကၠဳလဝ်ဂှ် လလောင်ပတိတ်လဝ်ပရိုင် ဗွဲမကၠးမးဟၟဲဏီ။
သ္ကိုပ်ဝေင်ပၞာန်အရာကေင်ကာတၟေင် (စစ်ဆင်ရေး အထူးအဖွဲ့မှူး ) (၄) ဒုသ္ကိုပ်ပၞာန်ဇၞော် ညောအ်ဝေန်ဇြိုယ်ဝွံ ပြဟ်ဟ်ဏံ ကေတ်လဝ်တာလျိုင် သ္ကုတ်ဒေသပၞာန် တွဵုရးမန်၊ တွဵုရးကရေင်ကေုာံ ရးဒေသဇၞော် တနင်သဳရောင် ဂွံတီလဝ်။
