ဂကောံရပ်လွဟ်မွဲက္ဍိုပ် လုပ်စိုပ်ကၠုင် အရာပ်အုံသၞေဟ်ကွဳပၟတ် (ဘူတာရုံပိုင်း) ကွာန်အနေင် ပွိုင်ဍုင်ဇြပ်ဗု မေ ၁၈ အခိင်နူဂယးဂှ် နကဵုလွဟ်ပန်ဏာကောန်ကွာန် ၂ တၠ၊ ချိုတ်မွဲတၠး ဒးဝပ်မွဲတၠ ဒှ်ကၠုင်လဝ်ဟိုတ်သာ်ဏံနွံမံင် ညးပါလုပ်ဂကောံအုပ်ဓုပ်ကွာန်မွဲတၠ ဟီုကဵုဌာန်ပရိုင်ကဴဝဴရ။
Read more: ဂကောံရပ်လွဟ်မွဲက္ဍိုပ် လုပ်ကွာန်အနေင် ကောန်ကွာန်ဒးဒုင်ပန်ချိုတ်မွဲ၊ ဒးဝပ်မွဲ“ဍေံတံစိုပ်ကၠုင်လပါ်အရာပ်သၞေဟ်ကွဳပၟတ် ဗၟံက်ကွာန်၊ ကောန်ကွာန် ၂ ဏံ ဍိုက်အာကွဳလိုန်ဓါတ် ဍေံတံဗဒိုအ်ဟွံမိင် မွဲအလန်ဓဝ်ပန်ဟဍာံစုတ်ဍေံတံတဝ်တဝ်ရ၊ ချိုတ်အာဒၞာဲဂှ်မွဲတၠ စိုတ်ဟွံမိပ်လးလးရ”
ကောန်ကွာန်အနေင် ညးမ္ဒျ်ကောန်နာဲကောန်ဍေတ် နာဲမိုဝ်ဇြဝ်ဥူ (၃၆) သၞာံဂှ် ဒၞာဲကၞေင်တဝ်တဝ် ဒးအာမကမ် ချိုတ်အာမွဲအခိင်ဓဝ်၊ မာံထိုက်သိုဝ် (၂၈) သၞာံ မကမ်ပေါတ်တေက်အာဒဳ လပါ်ပုင်တုဲ ပြဟ်ဟ်ဏံ ပလံင်လဝ်ရုင်ဂဥုဲဍုင်ဇြပ်ဗု ဂွံတီရ။
![](https://usercontent.one/wp/mon.kaowao.asia/wp-content/uploads/2023/06/348439587_550905150323037_1228503940961827177_n-1024x599.jpeg)
![](https://usercontent.one/wp/mon.kaowao.asia/wp-content/uploads/2023/06/347827892_259781143240978_341549057194761579_n.jpeg)
“ဒၞာဲသၞေဟ်ကင် ပလိက်ဗၠာဲသၟိင် ဗဒါဲဒဒန်အနေင်ဂှ် ကောန်ပၞာန်ဗမာလေဝ်နွံမံင်ညိညကီု၊ ဍေံတံဟွံလုပ်အာပန်ပုဟ်၊ မွဲလပါ်ကဵုမွဲလပါ် ထဍိုင်ပန်မံင်ညးသ္ကံ နူသ္ရောဲသ္ရောဲ” ညးဆက်ဟီုလဝ်ရ။
တုဲပၠန် ဒပ်စဵုဒၞာကွာန်ကဵု ကောန်ပၞာန်ဗမာ နူဒပ်ဝါကလဳတံထပ်ဗပေင်ကၠုင်ဇြဟတ်ကီု နူဗဒိုပ် Microwave အနေင်ကီု ထဍိုင်ပန်ကဵုလွဟ်ဇၞော်တုဲ ဂကောံရပ်လွဟ်ဏံ ဆုဲတိတ်ပြံင်အာမွဲဒၞာဲ ညးဟီုလဴရ။
“ရဲဂကောံရပ်လွဟ်ဏံဂှ် ကျိုင်လဝ်တဆိပ်ဒပ်ကရေင် ဟီုအရေဝ်ဗၟာကၠးမံင်ဏောင် ကရေင်ဟွံသေင်ပုဟ်၊ ကၠာဍေံတံဟွံလုပ်ကွာန်အနေင် မွဲဗ္တံဂှ် ဍေံတံလုပ်စိုပ်ကၠုင်လဝ်ကွာန်နှေဟ်ခြေင်ပိုဲ အာစိုပ်ဂတရုင်ဗၠာဲသၟိင် တက်လဝ်ဗီု၊ ဍေံတံဟွံပန်လွဟ်ပုဟ်” ရဲကွာန်နှေဟ်ခြေင် မံင်အရာပ်ကုန်မွဲတၠဟီုရ။
ဂကောံရပ်လွဟ် ဒပ် PDF ဗိုလ်ရန်နိုင် ကေုာံ KNU တံပံင်ကောံလဝ် ဇြဟတ်ၜိုတ် ၃၀ ဂေတ်ဂေင်တိဍာ် ထၐးဇြဟတ်မွဲကွာန်တုဲမွဲကွာန်ဏောင် ချူလဝ်လတူမုက်လိက် Facebook ဂွံဆဵုရ။
Hi, this is a comment.
To get started with moderating, editing, and deleting comments, please visit the Comments screen in the dashboard.
Commenter avatars come from Gravatar.