![｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡](https://usercontent.one/wp/mon.kaowao.asia/wp-content/uploads/2024/07/IMG_6503-360x180.jpeg)
![ညးလဵု ဂလုဲသှ်ေၜက်မံင် ပ္ဍဲခေတ် Industry Revolution 2.0 ဖိုဟ်ရော [၁]](https://usercontent.one/wp/mon.kaowao.asia/wp-content/uploads/2024/07/IMG_6234-360x180.jpeg)
ညးစၞးအလဵုအသဳကြုက် ပ္ညဳပ္ညပ်ပ္ဍဲဍုင်ကူမေန် ဂၠိုင်ကဵုဝါတုဲ ပ္ဍဲတ္ရဲအကြာတံဏံ ဂကောံမဟာမိတ်ကောဒေံပိ MNDAA, TNLA, AA ချဳဒရာင်မံင်ပ္ဍဲဒေသသ္ကုတ်သၟဝ်ကျာ တွဵုရးသေံဇၞော်ဂှ် ဂွံအာတုပ်စိုတ်ဒေါအ်ပန်ပှော်ကု ကံင်သဳပၞာန်တံ၊ ဒေသပရေင်အုပ်ဓုပ်တၟေင် (၁) တွဵုးရသေံ(ယှာန်) ဝွံ အလဵုအသဳကိုဝ်က (MNDAA) ဂွံအခေါင်အုပ်ဓုပ်ပေင်င်ရဂှ် ကံင်သဳပၞာန်တံ တုပ်လဝ်စိုတ် သာ်ဝွံညးတာလျိုင် ဂကောံပၠန်ဂတးဒေသသၟဝ်ကျာမွဲတၠ ဟီုရ။
ညးတာလျိုင်ဂကောံပၠန်ဂတးဒေသသၟဝ်ကျာမွဲတၠဟီု “ဒေသကိုဝ်ကဂှ်လေဝ် ဗီုဗော်ဝတံ ဂွံလဝ်အခေါင်ကီုရ အလုံဒေသကိုဝ်ကမွဲဂှ် ညးတာလျိုင်ပၞာန်ဗမာတံ ကဵုဏာအခေါင်အုပ်ဓုပ် ဗီုပြင်အလဵုအသဳလုပ်သၞောဝ်မွဲဂှ် တုပ်လဝ်စိုတ်ယျ၊ ပ္ဍဲဍုင်ချေင်ယှိုဲဟဝ်ဂှ် ပံက်အာဌာနဘဏ္ဍာအကံက်အခေါန်ဒေသပယျဵု၊ လဝက၊ ဌာနအကံက်ခေါန်တံဂှ် သၞာဲဒဴကံင်သဳပၞာန်တံကဵု ရဲ MNDAA တံပံင်တောဲအာမွဲစွံရောင် လပါ်ကိုဝ်က 70% ကံင်သဳပၞာန် 30% ပါ်ပရအ်အာသြန်လုပ်ဏောင် တုပ်လဝ်စိုတ်နွံ” ဂးရ။
လပါ်ကံင်သဳပၞာန်ဂှ် ဥက္ကဌ ကမ္မတဳထမံက်ပရေင်ၜိုဟ်လလမ်ဗၟာ NSPNC သ္ကိုပ်ပၞာန်ဇၞော် မေန်ဏံင် ချုက်လဝ်လိက်ရောင် ဂွံတီရ။
ဒပ်ကံင်သဳပၞာန်ကီု ဒပ်ကောဒေံပိတံကီု အတိုင်ဒၞာဲစိုပ်မံင်လၟုဟ်ဂှ် ဆက်ဒေါအ်အာပန်ပှော်တုဲ မုက်ဒပ်သီုၜါလပါ် ညံင်ဂွံစုက်လုက်သ္ကံဂှ် မ္ဒးဖျုဲပတိတ် ဒးပသ္ရောဲခြာအာညးသ္ကံ နူကဵုဒၞာဲလၟုဟ် တုပ်လဝ်စိုတ်ရောင် ဂွံတီရ။
တုဲပၠန် စပ်ကဵုပရေင်ဂုဏ်ဖဵုဍုင်ကြုက် ညံင်ဟွံဂွံလီုလာ်အာဂှ် ကံင်သဳပၞာန်ကီု ဂကောံမဟာမိတ်ကောဒေံပိ MNDAA, ပလံင် TNLA, ရခေင် AA တံကီု ဒးမင်မွဲအာရောင် သာ်ဝွံ တုပ်စိုတ်ချုက်လဝ်ပ္ဍဲကဵုလိက်ကသုက်ဏံရောင် ဂွံလဝ်ပရိုင်ရ။
