သ္ကိုပ်ဝန်ဇၞော် ဟန်သေန် ဇူဒေါအ်နုက်တိတ်နူတာလျိုင်တုဲ ကောန်ညးတေံဆက်ကေတ်အာတာလျိုင် ဒၞာဲညးတေံပၠန်ရောင်

ဖနန်ပင်၊ ဂျူလာင် ၂၆

သ္ကိုပ်ဝန်ဇၞော်ဍုင်ခမေန် ဟန်သေန် စနူတ္ရဲဏံ ဇူဒေါအ်နုက်တိတ်ထောံနူကဵုတာလျိုင်တုဲ ကောန်ညးတေံ ဆက်ဒုင်အာအာဲတၟာဲ ဒၞာဲအဆံင်တာလျိုင် ညးတေံပၠန်ရောင် လိက်ပရိုင်နာနာ ချူမံင်ရ။

ဂိတုအဝ်ဂတ် ၇ ဏံမ္ဂး ဧကရာဇ်ဍုင်နိဂီုခမေန် (ကာန်ဗဝ်ဒဳယာ) ဂှ် ကလေင်ခါန်ကၞက်ကဵုအာတာလျိုင်ကု ဟောန်မာနက်ထ် ညးမဒှ်ကောန် ဟန်သေန်၊ နဒဒှ်သ္ကိုပ်ဝန်ဇၞော်ရောင် ဂွံတီရ။

ဆဂး ဗီုပြင်ညးတေံ ဇီုဏှင်ပအပ်ပြာပ်ကဵုအာတၟာဲကု ကောန်ညးတေံဟွံသေင်ရောင် ဟန်သေန် ဟီုလဝ်တုဲ အတိုင်တၠုင်လအာသၞောဝ်ဥပဒေဟေင် လုပ်ပြိုင်မာဲဂွံလဝ်အံင်ဇၞးဂှ် ရေင်တၠုင်ဖန်ဖက်လဝ်ရောင်ဂးရ။

ပ္ဍဲဂၠးကဝ်ဏံ နဒဒှ်သ္ကိုပ်ဝန်ဇၞော်အာယုက်ဂၠိင်အိုတ်မွဲတၠ ပွိုင် ၃၈ သၞာံပေင်င် ကေတ်လဝ်တာလျိုင်ဆက်က်နွံကၠုင်လဝ်တုဲ ပေါဲရုဲမာဲ ဂျူလာင် ၂၃ တုဲကၠုင်ဏံ ဗော်ညးဍုင်ကွာန်ခမေန်ညးတေံ ဂွံအာဇၞးပိုတ်ပိုတ်တုဲ နုက်တိတ်ထောံ နူတာလျိုင်ညးတေံ ဂွံတီလဝ်ရ။

ဟန်သေန် နုက်တိတ်နူသ္ကိုပ်ဝန်ဇၞော်တုဲမ္ဂး နဒဒှ် ဥက္ကဌ ဂကောံကံင်သဳဧကရာဇ် သွက်ဂွံဆက်ယိုက်ဂၠေင်အာ တာလျိုင်ပၠန်ဂှ် ဧကရာဇ်ဍုင်ခမေန် ဆက်ခါန်ကၞက်အာညးတေံပၠန်ဏောင် ပရိုင်တိတ်မံင်ရ။