![｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡](https://usercontent.one/wp/mon.kaowao.asia/wp-content/uploads/2024/07/IMG_6503-360x180.jpeg)
![ညးလဵု ဂလုဲသှ်ေၜက်မံင် ပ္ဍဲခေတ် Industry Revolution 2.0 ဖိုဟ်ရော [၁]](https://usercontent.one/wp/mon.kaowao.asia/wp-content/uploads/2024/07/IMG_6234-360x180.jpeg)
ဂျူလာင် (၂၆)
အတိုင်အဆက်ဇုက် ဒပ်ဗၠာဲသၟိင် ပွိုင်ဍုင်ဇြပ်ဗုတံ ဂွံလဝ်ပရိုင် လုပ်ဂၠိုက်ဂၠာဲ ညးသွံရာန်မံင်ဂဥုဲၜူမာဲ ပ္ဍဲကွာန်ပ္ရ ဒၞာဲအရာပ်ကံထဝ် နွံဂးတုဲ နူကဵုညးဗြဴမွဲတၠ ရပ်သီဂွံဏာဂဥုဲချေံ ၃၀၀ မပြင် ပ္ဍဲဂျူလာင် ၂၄ ဂှ် ဂွံလဝ်ပရိုင်ရ။
သီုကဵုသက်သဳ ညးဇၞော်အရာပ်ဂမၠိုင် ပ္ဍဲသ္ရိ မနှေန်သဳ (မနှင်းဆီ) အာယုက် ၄၇ သၞာံ အရာပ်ကံထဝ်ဂှ် ညးတာလျိုင်ဗၠာဲသၟိင်တံ ဂၠိုက်ဂၠာဲဂွံဏာ ဂဥုဲချေံတံဏံရောင် ညးဇၞော်အရာပ်မွဲတၠ ဟီုလဴစလဝ်ရ။
“နူပ္ဍဲဖဴ မနှေန်သဳဂှ် ဓုပ်စုတ်လဝ်ကဵုဗူမွဲမဂှ် ဂဥုဲချေံ ၁၆၃ မ၊ တုဲပၠန် ပ္ဍဲပေင်မဳဍေံ စုတ်လဝ်ကဵုထာင်ပလာတ်သတေတ်မွဲဂှ် ဂဥုဲချေံ ၂၀၀ မပၠန်၊ သီုဖအိုတ် ဂဥုဲချေံ အဆိပ် WY/R ၃၆၃ ရပ်သီဂွံဏာလဝ်” ညးဇၞော်အရာပ်မွဲတၠ ဟီုရ။
စပ်ကဵုရပ်ဂွံဏာလဝ်ဂဥုဲချေံတံဏံတုဲ ပလိက်ဗၠာဲတံ ရပ်ချုပ်စွံလဝ် မနှေန်သဳ သီုကဵုစၟဳစၟတ်မံင်အဆက်ရာန်လဝ်ဂဥုဲချေံတံဏံ ဒၞာဲရုင်အချုက်ဗဒိုပ်ဗၠာဲသၟိင်ၝောံဍုင်ဇြပ်ဗုဂှ် ဂွံပရိုင်ရ။
ဂဥုဲချေံတံဏံ ကေတ်နင်နူအဆက် ကွာန်ကရေင် ဗၟံက်ဂၠံင်ကွဳစက်မွဲဒၞာဲရောင် မနှေန်သဳ ဟီုလဴပတိတ်စလဝ်နွံမံင် ညးဇၞော်ကွာန်မွဲ လဴကဵုဌာန်ပရိုင်ကဴဝဴရ။
