![｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡](https://usercontent.one/wp/mon.kaowao.asia/wp-content/uploads/2024/07/IMG_6503-360x180.jpeg)
![ညးလဵု ဂလုဲသှ်ေၜက်မံင် ပ္ဍဲခေတ် Industry Revolution 2.0 ဖိုဟ်ရော [၁]](https://usercontent.one/wp/mon.kaowao.asia/wp-content/uploads/2024/07/IMG_6234-360x180.jpeg)
ကဴဝဴ ဂျောန် ၂၂၊ ၂၀၂၃။
သွက်ဂွံပတိတ်လိက်အုပ်လ္တူ Online မာန် တမ်လိက် အစာကၞေဟ်မန်တံ ချူခၞံလဝ် ကဏ္ဍပရေင်နာနာသာ်တံဂှ် နူကဵု M-eBook ဗက်ရာန်မံင်ကီု သီုကဵုဗက်အာတ်မံင်ဒါန် ဆဝ်ဗ္ရုဟ်လဝ် ကုညးတၠတမ်လိက်မူဂမၠိုင်တံရ။
လိက်ပရေင်၊ ဝတ္ထုဇမၠိင်၊ ဝတ္တုဒမၠေံ၊ ပုံအာဂီု၊ ဒဿန၊ ကဗျနာနာ သွက် M-eBook ဂှ် ကေတ်အဆက်ကု Email; sornrotchan@gmail.com ဒှ်ဒှ် saveumon@gmail.com ဒှ်ဒှ် Facebook Sorn Rott Chan ဒှ်ဒှ် အဲနာဲ ပညာအိုတ် မွဲမွဲဒၞာဲဒှ်ဒှ် ပလံင်ဗစိုပ်မာန်ရောင် ဂွံတီရ။
“ပြဟ်ပြဟ်ဏံ M-eBook ဂှ် ပ္ဍဲ Play Store သွက်ဖုင် Android phone နာနာ တက်စုတ်မလိက် M ebook စုတ်ကေတ်လောဲလောဲ အာဗှ် Free မာန်၊ သွက် ios apple iphone တံဂှ် ဂစာန်မံင်ဖိုဟ်၊ ဂတဏံပၠန် တမ်လိက်ရာန်လဝ် နူအစာကၞေဟ်တံဂှ်တှ်ေ ဒးကဵုင္ရုဟ်လိင်ရောင်” ညးဖန်ဗ္ဒျ် M-eBook သြန်ရတ်ဆာန် ဟီုကဵုဌာန်ပရိုင် ကဴဝဴရ။
စိုပ်အခိင်ဒးရာန်ဗှ်အာ တမ်လိက်နာနာတံမ္ဂး သြန်နူကဵုဖုင်ဒှ်ဒှ် နူကဵုကာတ်သြန်မွဲမွဲသာ်ဒှ်ဒှ် နကဵုသၠောဲကေတ်သြန်ဒှ်ဒှ် နဲကဲဗွဲမလောဲသွာ ညံင်သ္ဂောံရာန်ကေတ်မာန် ဖျေံလဝ်ဗီုရဂှ် ညးတေံဆက်ဟီုလဝ်ရ။
“ဂကောံပိုယ် မိက်ဂွံရာန်တမ်လိက်အစာကၞဟ်တံကၠာ၊ ဂွံတမ်လိက်တုဲမှ သွက်ဂွံသွံတြးအာ၊ လၟုဟ် သွက်ပူရိသာတ်တံဗှ်လိက်တံ ဟွံဒးရာန်ဗှ်ဏီ ဗှ်မးမးဂွံမံင် တမ်လိက်တြေံ င္ရုဟ်မးနွံနွံတံ ပတိုန်စွံလဝ်နွံ အာဗှ်မာန်” ဂးရ။
အခိင်လၟုဟ်ဏံ ယဝ်ရ ပတိတ်လိက်ပတ်နာနာ နကဵုလိက်အုပ်တၞးလိက်တံမ္ဂး အခိင်ကေုာံ ဇြဟတ်မၞိဟ်ဒးစကာဂၠိုင် စရိတ်နာနာသြန်လေဝ်အိုတ်ဂၠိုင်ဂးတုဲ စၞးဂှ် နကဵုနဲကဲ digital ပ္ဍဲအရာကဏ္ဍနာနာ ပြံင်သၠာဲမံင်အိုတ်ရောင် ဂွံဆဵုရ။
