ဍုင်ကွာန်က္တူက္တာန်တုဲ ဍုင်မာန္တလေဝ် ပရေင်ပၠံင်ၜးစဂၠိုင်

ကဴဝဴ ဂျောန် ၁၈၊ ၂၀၂၃။

ဍုင်ကွာန်က္တူက္တာန်ကီု ပရေင်ဝါတ်ခါဲနာနာသာ်ဂၠိုင်တိုန်ကီုတုဲ ပ္ဍဲဍုင်မာန္တလေဝ် အခိင်လၟုဟ် ပရေင်ပၠံင်ၜးဂၠိုင်တိုန်မံင်တုဲ စွံသတိအာတရဴအိုတ်ညိဂှ် ရဲတၠပိုန်ဒြပ်မန် မွဲတၠဟီုရ။

“အာကၠုင်စွံသတိဇၞော်ဇၞော်ကီုလေဝ် ရဲဂကောံပၠံင်ၜးစ ဂၠိုင်မံင်တုဲ ဒးဒုင်မံင်ဘဲဍေံတံ မိင်မံင်ဟဂှ်ရ၊ လ္ရဵုထ္ၜးၜုန်မြ လ္ရဵုထ္ၜးသေနာတ် ပၠံင်ၜးဗတိုက်စ ဗီုပြင်ဂကောံလေဝ်နွံ၊ လ္ရဵုဗတိုက်ကေတ်ကပေါတ်သၟးဟွံသေင် သီုကဵုဂစိုတ်ထောံမၞိဟ်ဏောင် မတ်ဂၠုမံင်အိုတ်ယျ” ဂးရ။

တ္ရဲဏံဂျောန် ၁၈ အခိင်နူဂယးပြဟ် ကိုစိုးဝေယံ (၃၅) သၞာံ ဍိုက်ကၠုင်ကွဳလိုန်ဓါတ် ပ္ဍဲ ပွိုင်ဍုင်မဟာအောင်မြေ စိုပ်အကြာဂၠံင် 84 /41×42 ဂှ် မၞိဟ် ၉ တၠမွဲဂကောံ ထပက်ကဵုၜုန်တုဲ ပၠံင်ဏာကွဳလိုန်ဓါတ်ညးတေံ ဂွံပရိုင်ရ။

“ဒးအာဘဲၜုန် ဒၞာဲကတောဝ်၊ ဒၞာဲဒဳ ၅-၆ လတဲတုဲ လောတ်လဵုမံင်လတူဂၠံင် လမျီုဟွံချိုတ်အာဂှ် ကုသဵုခိုဟ်၊ မၞိဟ်ကြမ်မ်ကြာန်ကြာန်ဂၠိုင်မံင်” ရဲ ဂကောံကွဳစက်ပရဟိတရီုဗင်မွဲ ဟီုရ။  

စပ်ကဵုပရေင်ဏံတုဲ ဆက်ဖုင်ဟီုလဴကဵု ဒၞာဲဌာနအလဵုအသဳဆေင်စပ်တံကီုလေဝ် ဗၠာဲသၟိင်မွဲတၠမှ ကၠုင်စိုပ်ဟၟဲ၊ ဂကောံကွဳစက်ပရဟိတရီုဗင်တံဟေင် ညးဒးလဝ်ဘဲဝပ်ဏံ ဂွံစိုပ်ရုင်ဂဥုဲ ပလံင်ဗစိုပ်ကဵုလဝ် ဂးရ။

အပ္ဍဲဍုင်မာန္တလေဝ်ဝွံ ဒက်လဝ်ဂကောံရပ်လဝ်ၜုန်မြတုဲ ရဲပၠံင်ၜးစတံ နွံဂၠိုင်မံင်ရောင် ဂွံတီရ။