ဒပ်ပၞာန်ကျာ သေံကေုာံဗၟာတံ ကၠောန်ကောံဓရီု

ကဴဝဴ ဂျောန် ၁၇၊၂၀၂၃။

အကြာဒပ်ပၞာန်ၜါလပါ် သွက်ဂွံသၠုင်ပတိုန်ပရေင်ဆာန်ကၟိန်ကီု ပရေင်ပံင်တောဲရေင်တၠုင် သ္ဂောံတဴတက်တိုန်ကီုဂးတုဲ  ဒပ်ပၞာန်(ကျာ) ဧကရာဇ်သေံ ကေုာံ ဒပ်ပၞာန်(ကျာ)ဍုင်ဗၟာတံ ဂျောန် ၁၃ ဂှ် ပ္ဍဲနေပျဳဒဝ် ကၠောန်ကောံဓရီု Workshop မရနုက်ကဵု ၈ ဝါတုဲဒှ်အာရ။

8th MAF-RTAF Air Working Group Meeting ကောံဓရီုဏံ ပွိုင်မွဲတ္ရဲ ဒၞာဲ Aureum Palace Hotel ကၠောန်ဗ္ဒျ်ဂှ် နူကဵုဒပ်ပၞာန်ဧကရာဇ်သေံ Air Marshal Kidkuan Sadub ကဵု သ္ကိုပ်က္ဍိုက်ပ်ပၞာန်ကျာဗၟာတံ တိုန်စိုပ်ဟီုဂလာန်ရ။

ပ္ဍဲကောံဓရီုဏံ တင်သဳကၠဳဖျေံဂွံလဝ် သ္ဂုတ်သွာတ်တံဂှ် ညးတာလျိုင်ၜါလပါ်ထပက်စၟတ်တဲကီု ကဵုပရေင်တဲညးသ္ကံကီု စၟတ်သမ္တီတက်ဗီုရုပ်မွဲစွံကီုလေဝ် စပ်ကဵုတင်နင်ကောံဓရီုဏံ ညးတာလျိုင် ၂ လပါ်တံ ဟီုလလောင်ပတိတ်လဝ်ပရိုင်ဟၟဲ ဂွံတီရ။

ပ္ဍဲဂိတုဂျာန်နဝါရဳတုဲကၠုင်ဏံလေဝ် ညးတာလျိုင်ပၞာန်အဆံင်သၠုင်အိုတ် အကြာဒပ်ပၞာန်ၜါဍုင် ကၠောန်သ္ပကောံဓရီုပွိုင် ၃ တ္ရဲ ဒၞာဲဍုင်ငပလဳ တွဵုရးရခေင်ဂှ် သေနာပတိဒပ်ပၞာန်ဗၟာ သ္ကိုပ်ပၞာန်ဇၞော်အိုတ် မေန်အံင်လှိုင်ကီု သေနာပတိဒပ်ပၞာန်ဧကရာဇ်သေံ သ္ကိုပ်ပၞာန်ဇၞော် Chalermpol Srisawat တံ တိုန်စိုပ်လဝ်ဂှ်လေဝ် အကြာဒပ်ပၞာန်ၜါ မုတင်နင်ညးတံဂွံလဝ်တင်တုပ်စိုတ်ညးသ္ကံ လလောင်တြးပတိတ်ဟၟဲလးလးရ။  

#ဒပ်ပၞာန်ကျာသေံကေုာံဗၟာ #ကောံဓရီု #MAF-RTAF