ပလံင်သၟာကမၠောန်ကိုဝ်ရဳယျာ ကၠောန်ကဵုအခိင်ရာသဳဟီုဂှ် ဒးအလီဏောင် လ္ပပတေဟ်ညိရုင်ကလုတ်ကဵုသတိ

ကဴဝဴ ဂျောန် ၁၃၊ ၂၀၂၃။

သွက်ဂွံကၠောန်ကဵုအခိင်ရာသဳ ပလံင်ဗစိုပ်ကဵုသၟာကမၠောန် ဍုင်ကိုဝ်ရဳယျာသၠုင်ကျာရောင် ဂကောံအေဂျေန်သဳတံဟီုမံင်ဂှ် ဒးအလီဏောင် လ္ပပတေဟ်စညိ အခေါင်ပလံင်ဟၟဲလးလးရောင်
ရုင်ကလုတ်ဗၟာ နွံမံင်ကိုဝ်ရဳယျာ ကဵုလဝ်သတိရ။  

စပ်ကဵုသၟာကမၠောန် ကၠောန်ကဵုအခိင်ရာသဳတံမ္ဂး နကဵုအလဵုအသဳ ၂ ဍုင် အကြာညးတံကဵုညးတံဟေင် တိုက်ရိုက်ပညဳပညပ်ချုက်လိက် MoU တုဲမှ လလောင်တြးအာရောင် ဂးရ။

တၞဟ်နနူကဵုအလဵုအသဳတုဲ ယြဴဂကောံဌာနမွဲလဵု ဂကောံပုဂ္ဂလိကလဵုမှ အခေါင်ပလံင်ဗစိုပ်သၟာကမၠောန်ဗီုတံဏံကီု နဒဒှ်ဗီုပြင်ညးစၞးတံကီု သၠောဲပအပ်ကဵုလဝ်အခေါင်ဟၟဲလးလးရောင် ဂးရ။  

သၟတ်ဗြဴတိုန်မံင်တန်ဗတောန် ဘိုအ်ဂွံအာဍုင်ကိုဝ်ရဳယျာ နကဵုသၞောတ် EPS မွဲတၠ “ဗီုပြင်ဍေံတံစန်ဒက်မံင်ဂှ် မုအေန်တာဗျူဟွံဒးလုပ်ပုဟ်၊ ဂွံအာပြဟ်ဟ်ဏောင်၊ ဂွံအာကိုဝ်ရဳယျာလောဲလောန်ကွေံကွေံတုဲ ဒှ်တိုန်သံသယ၊ ဆဂး ညးလ္ရဵုပၠုပ်ထောံသြန်ရ”  

ရဲမိက်ဂွံအာကိုဝ်ရဳယျာမွဲတၠ ၂၀ ကိုဋ် ဂကောံလီဠာန်ပလံင်ဗစိုပ်ဏံ ပတန်လဝ်င္ရုဟ်မးဂှ် ပြဟ်ဟ်ဏံ ဗက်စှ်ေအာစန်ဒက်မံင် အကြာကွာန်ဂမၠိုင်တုဲ မၞိဟ်စိုတ်လုပ်စဂၠိုင်မံင် ဂွံတီရ။

နူကဵုဂကောံသၠာဲဂတးယေန်သၞာင်ပရေင်ပိုန်ဒြပ်ဂၠးကဝ် ECI ဂးတုဲ ညံင်ရဴဂွံလဝ်အခေါင်ယံင်င် ပတောအ်လဝ်ဌာနပလံင်ဗစိုပ်သၠာကမၠောန်လုပ်သၞောဝ် ကၠောန်စမံင်ပရေင်ပလံင်ဗစိုပ်သၟာကမၠောန်နွံမံင်၊ ဟိုတ်ဂှ်ရ ဂကောံ၊ ကာန်ပဏဳလီဠာန်ကၠောန်စမံင်တံဂှ် လ္ပပတေဟ်ညိ ယဝ်ရမိက်ဂွံတီမွဲမွဲသာ်မ္ဂး ကေတ်အဆက်သၟာန်စ ရုင်ကလုတ်ဗၟာ ဍုင်ကိုဝ်ရဳယျာတိုက်ရိုက်မာန်ရောင် ကဵုလဝ်သမ္တီရ။

ပ္ဍဲဍုင်ကိုဝ်ရဳယျာ စပ်ကဵုကမၠောန်ပရေင်တဵုလွဳကေုာံ ရပ်င္ရုဲကတံဝွံ ကော်ခဴစဂကူကမၠောန် အခိင်ရာသဳတံဂှ် စွံလဝ်နကဵုသၞောတ်ပိုင်ခြာအခိင် ဂကူဗဳသာ ၉၀ တ္ရဲ (C4) (ဝါ) ဗဳသာ ၅ ဂိတု(E-8) တံ နွံရ။  

အကြာအလဵုအသဳဗၟာ-ကိုဝ်ရဳယျာ ၂ ဍုင်ဏံဝွံ ပြဟ်ပြဟ်ဏံ နကဵုသၞောတ် EPS မွဲဟေင် ဆက်ဗလးမံင်သၟာကမၠောန်တံနွံတုဲ သၟာကမၠောန်ဍုင်ဗၟာ စိုပ်မံင်ပ္ဍဲကိုဝ်ရဳယျာ ၅ ဠက်ပြင်နွံမံင်၊ နကဵုအလဵုအသဳကိုဝ်ရဳယျာရန်လဝ် မိက်ဂွံကော်သၟာကမၠောန်ကောန်ဍုင်ဗၟာ ဗၞတ်မွဲကိုဋ်ရောင် ဂွံလဝ်တင်နင်နူဌာနစၟတ်သမ္တီသၟာကမၠောန်ရ။

Source; Migrant Times