ညးမအာတ်မိက်ချဳဒရာင် သွက်ဂွံပါ်တိတ်ဍုင်သေံသ္ကုတ်သၠုင်ကျာတံဂှ် ကေတ်အရေဝ်ရောင် သ္ကိုပ်ဝန်ဇၞော်ကဵုသတိ

ကဴဝဴ ဂျောန် ၁၁၊ ၂၀၂၃။

နိဂီုဍုင်သေံသ္ကုတ်သၠုင်ကျာဝွံ ကေတ်အခေါင်သၠးပွးထေက်ဟွံထေက် သွက်ဂွံကေတ်ဆန္ဒညးဍုင်ကွာန် လ္တူညးစဳဇန်ဖန်ဖက်မံင်တံဂှ် ကေတ်အရေဝ်ရောင် သ္ကိုပ်ဝန်ဇၞော်သေံ ဖရာယုဇျှာန်အိုဝ်ချာ ကဵုဏာသတိရ။

ဒေသသ္ကုတ်သၠုင်ကျာဍုင်သေံဂှ် နဒဒှ် ဍုင်မူသလေန် Pattani State ပ္တန်ထေက်၊ ဟွံထေက် စပ်ကဵုပရေင်ဏံ ကေတ်အာဆန္ဒညးဍုင်ကွာန်တံရောင် ပရိုင်တိတ်ကၠုင်တုဲ လ္တူပရေင်ဏံ သွက်ဂွံကေတ်အရေဝ် သ္ကိုပ်ဝန်ဇၞော် အာတ်မိတ်ဖတိုက်ဖအောဝ်ကု ကံင်သဳဂီုကၠီုဂကူသေံ ဂးရ။  

စပ်ကဵုပရေင်ချဳဒရာင် ကေတ်ဆန္ဒညးဍုင်ကွာန် သွက်ဂွံပါ်တိတ်နူသ္ကုတ်သၠုင်ကျာ၊  သွက်ဂွံဒက်ပ္တန်ဍုင်မူသလေန် သၠးပွးပါတ္တနဳဟီုဂှ် ပရေင်ချဳဒရာင်ဗဗွဲသၞောဝ် ဟွံသေင်ရောင်တုဲ မင်ရံင်မံင်စေအ်အ်ကြပ်ပ်ရောင် ဒုသ္ကိုပ်ၝောံဒပ်လၟိဟ် ၄ ဍုင်သေံဟီုရ။

အပ္ဍဲဍုင်သေံဝွံ ကွးဘာတံ အခေါင်ဟီုဂးဗွဲမသၠးပွးနွံမံင်ကီုလေဝ် စပ်ကဵုသၞောဝ်ပယျဵုဒၞက်ဍုင်ရးနိဂီုတံဂှ် ညံင်ဟွံဂွံဖံက်ပကဝ်ဒးအာ ဒးစွံသတိရောင် ဒုသ္ကိုပ်ၝောံဒပ်လၟိဟ် ၄ သ္ကိုပ်ပၞာန် ပရာမတ် ဟီုရ။  

ညံင်ဂွံပါ်တိတ်ပါတ္တနဳမာန်ဂှ် သွက်ဂွံကၠောန်ကဵုပေါဲကေတ်ဆန္ဒညးဍုင်ကွာန်ဂးတုဲ ကွးဘာသ္ကုတ်သၠုင်ကျာသေံဒေသ ၄ ဒၞာဲတံ ပ္ဍဲကဵုတက္ကသိုလ်ကို Prince of Songkla ကောံဇက်အာစိုပ် ဆဝ်ဗ္ရုဟ်ချဳဒရာင်မံင်ဂှ် ပရိုင်နာနာ အကြာဏံတိတ်မံင်ပြးဇးရ။

ညးအုပ်ကာ ကံင်သဳဂီုကၠီုဂကူသေံ Mr Supoj ဟီုလဝ် “ပါ်တိတ်နူဍုင်သေံတုဲ သွက်သ္ဂောံကေတ်ဍုင်သၠးပွး ကၠောန်အာပေါဲကေတ်ဆန္ဒညးဍုင်ကွာန် ပွဗီုဗီုဏံဂှ် ဟွံလုပ်သၞောဝ်ပုဟ် သွက်ညးလဵုလေဝ် ဂုဏ်ဖဵုဟၟဲပုဟ်၊ စပ်ကဵုသၞေဝ်ဥပဒေပရေင်ဂီုကၠီု  သွက်သ္ကုတ်သၠုင်ကျာဏံ ဒးထပ်လလောင်ဏောင်၊ အန္တရာဲသွက်ညးဍုင်ကွာန်တံ ညံင်ဟွံဂွံဒှ် ဒးစဵုဒၞာကပေါတ်ပိုန်ဒြပ်ညးဍုင်ကွာန်တံရောင် သၞောဝ်ဂီုကၠီုသွက်ညးတံ ဒးထပ်ခၞံကဵုဏောင်” ဂးရ။   

ပေါဲရုဲမာဲဍုင်သေံတုဲဒှ်အာကီုလေဝ် နူကၠာဟွံဂွံဒက်ပတန်ဂကောံအလဵုအသဳတၟိမာန်ဂှ် အကြာမွဲဗော်ကဵုမွဲဗော် ဇြဟတ်ပြိုင်ပကာန်ဇၞော်ကဵုဇြဟတ်နွံမံင်တုဲ အကာဲအရာပရေင်ဍုင်ကွာန်လေဝ် ဂရံက်ဂရိုက်တိုန် ယှုက်ထုဲတိုန်မံင်အရိုဟ်တ္ရဲရောင် ရဲခါတ်အကာဲတံ ဟီုဂးမံင်ရ။