လပါ်ဒေသ ဍုင်ကံကြိက်၊ လှာဒကှ်၊ ကြုင်ဒဵုတံ မကမ်လွဟ်ဇၞော်စှ်ေမံင်အရိုဟ်ဟ်တ္ရဲတုဲ ပရေင်အာကၠုင်စွံသတိဇၞော်ဇၞော်ထေက်

Kaowao (၂၉ မေ-၂၀၂၃)

ဒၞာဲတိဍာ်ဆက်စပ်မံင်ကဵုတွဵုရးမန် လပါ်ဒေသ ဍုင်ကံကြိက်၊ လှာဒကှ်၊ ကြုင်ဒဵုတံဝွံ ပ္ဍဲမွဲၜါတ္ရဲဏံဂှ် အကြာဒပ်ကံင်သဳပၞာန်ကဵု ဒပ်ပံင်ကောံကရေင်/ PDF ၜါလပါ်တံ ထဍိုင်ပန်မံင်ကဵုလွဟ်ဇၞော် ဒှ်ကၠုင်မံင်အရိုဟ်ဟ်တ္ရဲဆက်က်တုဲ စပ်ကဵုပရေင်အာကၠုင်လပါ်ဒေသတံဏံ ဒးစွံလဝ်သတိဇၞော်ဇၞော်ထေက်ရောင် ကျာ်ဇၞော်မွဲတၠ ဟီုရ။

“ကောန်ပၞာန်ကဵုကောန်ပၞာန် ပန်မံင်ကြပ်ပ်ဟွံသေင်ပုဟ် မွဲလပါ်ကဵုမွဲလပါ် ထဍိုင်ပန်မံင်ညးသ္ကံနကဵုလွဟ်ဇၞော် ဒၞာဲဒပ်ပၞာန်ကောန်ပၞာန်တံနွံမံင်ဂှ် မကမ်ဟွံစှ်ေ၊ အကြာသ္ရိဌာန်ညးဍုင်ကွာန်တံသၟးရ မကမ်လွဟ်ဇၞော်ဖတုံစှ်ေမံင်” ဂးရ။

လ္တူဍုင်ကံကြိက် အရာပ်(၇) ကရပ်ရုင်ပြာ်ပၟတ်ခရိုင်ကံကြိက် မေ ၂၈ အခိင်ဒေါဝ်တ္ရဲဂှ် မကမ် 60-MM မွဲမ ကၠုင်ဒတုံစှ်ေလ္တူဂၠံင် ဖတိုဟ်အာတုဲ ညးဍိုက်အာကွဳလိုန်ဓါတ် ဗြဴကဵုတြုံ ၂ တၠ ဒးဝပ်ချိုတ်အာလဝ်နွံ ကံင်သဳပၞာန်တံ ပတိတ်လဝ်ပရိုင်ရ။

တ္ရဲဂှ်ကီုရ ဒပ်ပၞာန်ဗၟာမင်မွဲဍုင်ကံကြိက် ခလရ (၉၇) ထဍိုင်ပန်ပတိတ်ဏာ လွဟ်ဇၞော် 120-MM တုဲ ရဲအာကၠအ်တံ ဖေက်လကိုတ် ပါဲဒဴအောင်ဗ္ဒမံင်ပြးဇး ဒၞာဲဗၠးဘဲတံ ဂးရ။

ဒပ်ကရေင် KNLA မဟာဒပ် (၆) ကေုာံ PDF ဒပ်ပံင်တောဲတံ မေ ၂၇ အခိင်ဗတမ်ဂှ် နကဵု Drone ဖျေံပထောံ DropBomb ၃ မ ရုင်ဗၠာဲသၟိင်ၝောံဍုင် လ္တူဍုင်လှာဒကှ်တုဲ ကၟဳသောတ်ရုင်ဗၠာဲသၟိင်ဗွဲမဂၠိုင်လီုလာ်အာကီု သီုကဵုကောန်ဇာတ်သၞာဲဒါဗၠာဲသၟိင်တံ ဒးအာလဝ်ဘဲဝပ်နွံမံင် ဂွံလဝ်ပရိုင်ရ။

ဒပ်ပၞာန်ဗၟာဖျေံလဝ်သ္ဇိုင် ပ္ဍဲဍုင်ကြုင်ဒဵု ၂ တမ်ဒပ်ဂှ်လေဝ် မေ ၂၈ အခိင်ဗတမ်ဂှ် နကဵုလွဟ်ဇၞော် 60-MM ဘပဠထဍိုင်ပန်ဏာ မွဲဒမြိပ်ပလိုတ်ၜဳဟံင်တယဝ်ဂှ်တုဲ ညးဍုင်ကွာန်တံ ဖေက်တကိုတ်မံင်အိုတ် ဂွံပရိုင်ရ။

ဒပ်ပၠန်ဂတးတံ နကဵုကွဳစက်မွဲအခိင်ဓဝ် ပြဟ်ပြေဟ်ညံင်လုပ်ဍုင်ဟွံဂွံဂးတုဲ မွဲဒမြိပ်ဂၠံင်လုပ်တိတ်ဍုင်ကံကြိက် ဂၠံင်ကွဳစက်ဆက်စၠောံလဝ်သီုဖအိုတ်တံဂှ် နူကဵုဒပ်ကံင်သဳပၞာန် ၜံက်ခါဲတုက်လဝ်မြံင်တုဲ ဒၞာဲတာလဝ်ရောင် ကျာ်ဇၞော်နူဒေသကံကြိုက်မွဲတၠ ဟီုလဴလဝ်ကဵုဌာန်ပရိုင်ကဴဝဴရ။