တုဲကၠုၚ်နူကနေံဏံ ဂိတုမေ စၟတ်တ္ၚဲ(၁၁) အခိၚ်တ္ၚဲသဝ် ၜိုတ်(၄)နာဍဳပြင်င်ဂှ် အပ္ဍဲပွိုင်ဍုင်ရေဝ် နူဒပ်အမၠံက်ကံင်ဇြဳပၞာန်ဗမာ စၟတ်(၃၁၇) မဖျေံလဝ်သ္ဇိုင် အကြာကွာန်တၟိကုန်ဗဴကဵု ကွာန်ဝါဘာဂှ် ပန်ထောံပ္တိတ်မံင်လွဟ်ဇၞော်ကြာန်န်တုဲ ညးဒေသဂှ်မွဲတၠ ဒးအာလဝ်ဝပ်ညိညနွံရောင် ဂွံတီကေတ်နူညးဒေသတံကီုရ။
“အခိင်ဍေံပန်ပ္တိတ်မံင်ဂှ်တှ်ေ နူၜိုတ်(၄)နာဍဳ ဖာသဝ်တ္ၚဲဂှ်ရ မၞိဟ်ဒးဒုင်ဒးအာလဝ်ဝပ်ဂှ်တှ်ေ ညးတေံဂှ် အဃောစံင်မံင်ဆောဲဂူ ပ္ဍဲကၠအ်ညးတေံ နွံမံင် အကြာကွာန်တၟိကုန်ဗဴ အာကဵု ကွာန်ဝါဘာဂှ်ရ၊ ယၟုညးတေံဂှ် ကော်မံင် နာဲထောန် ဒးအာလဝ်ဝပ် ပ္ဍဲပ္ၚပ်တဲညိညတုဲ ဟွံဒးဂွိၚ်ပုဟ် နူဂှ်ပလံင်ဏာလဝ်ရုင်ဂဥုဲဍုင်လၟိုင်တုဲ နူဂှ်ပၠန် ကလေင်ပတိုန်ဏာလဝ် ရုင်ဂဥုဲဍုၚ်မတ်မလီုတေံရ” ညးဒေသဂှ်မွဲတၠ ဟီုရ။
အပ္ဍဲပွိုင်ဍုင်ရေဝ်ဝွံ သ္ပဟိုတ်နူဒပ်ကံင်ဇြဳပၞာန်ဗမာတံ ပန်ပ္တိတ်မံင်လွဟ်ဇၞော်ကြာန်န်အကြာကွာန် မွဲခဏမွဲခဏတုဲ ညးဒေသတံ ဒးအာလဝ်ဝပ်သၟးဟွံက စဵုကဵုဒးဒုင်ချိုတ်စုတိအာလေဝ် နွံမံင်ကီုရ။
![](https://usercontent.one/wp/mon.kaowao.asia/wp-content/uploads/2024/05/IMG_5026.jpeg)
![](https://usercontent.one/wp/mon.kaowao.asia/wp-content/uploads/2024/05/IMG_5024-768x1024.jpeg)
![](https://usercontent.one/wp/mon.kaowao.asia/wp-content/uploads/2024/05/IMG_5025-1024x750.jpeg)