｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡

ပရေင်ဖောအ်ဗြဳတောတက် ပိုယ်မၞိဟ်တံ စပတမ်ကၠုင် နကဵုပၠန်ဂတးပရေင်တဵုလွဳ (Agrarian Revolution) ဂးရ။ လောန်ကၠုင်သၞာံၜိုတ် ၁၀,၀၀၀ ပြင်တေံရ ဇုဇဗဴလ ပိုယ်မၞိဟ်တံ အဆက်ဆက် ကၠောန်ကၠုင် ပရေင်တဵုလွဳ ကေုာံ ဗဂဵုလဟဵု ဒက်ပတန်လဝ် ဍုင်ကွာန် ရးနိဂီု သ္ရိဌာန်ညးတံရောင်။

စိုပ်ၜိုတ် ၁၈ ဗွဝ်ကၠံဂှ် စက်အေန်ဂျေန်သၟုဟ်ဍာ်ဂမ္တဴ ကၠောန်မာန်တုဲ ပွမအပြံင်အလှာဲ ပၠန်ဂတးကွတ်စက် (Industry Revolution) စဒှ်ကၠုင်၊ တၟော်ကဵု ဍုင်မန်ပိုယ်မ္ဂး အခိင်သၟိင်အံင်ဇေယျဗမာ သီကေတ်ဍုင်မန် မွဲဒမြိပ်တၞောဝ်ဒတောဝ် ကုန်ဗံင် ဟီုစဂွံရ။ အကြာ ၁၇၆၀-၁၈၄၀ သၞာံတံဂှ် ပၠန်ဂတးကွတ်စက်အဆံင် (၁) Industry Revolution 1.0 တောတက်ကၠုင် ဂးရ။ နူကဵု ပရေင်ကူသာန်သွံရာန် လှာဲဂတးကပေါတ်တံကီု မွဲကရောံကဵု ပရေင်ဖောအ်ဗြဳ တောတက်တံကီုဂှ် ပရေင်ကၠောန်ပတိတ်ကပေါတ်နာနာ နကဵုစက် ဒှ်ကၠုင် ဂးရ။

စနူစကာကၠုင် ဓါတ်လလဳ (Electricity) ၜိုတ်ကၞောတ် ၁၉ ဗွဝ်ကၠံတေံဂှ်ပၠန် ပၠန်ဂတးကွတ်စက်အဆံင် (၂) Industry Revolution 2.0 ဒှ်ကၠုင်၊ စကာကပေါတ်ကရိယာ ဓါတ်လလဳနာနာ (Assembly Line) မာန်တုဲ ကၠောန်ပတိတ်ကပေါတ် လၟိဟ်ဂၠိုင်င်ဂွံတိုန်ကၠုင် ဂးရ။

စနူ သၞာံ ၁၉၆၀ တုဲ ကောန်ပျူတာမံက်ကၠုင် ပၠန်ဂတး ခေတ်ဒေတ်ဂျေတ်တေလ် ဒှ်ကၠုင်ဂှ် ခေတ်ပၠန်ဂတး ကွတ်စက် အဆံင်(၃) Industry Revolution 3.0 ကော်ခဴစ ဂးရ။

အခိင်လၟုဟ် စကာအေန်တာနိတ်ဇၟာပ်ပ်ဒၞာဲ ဒှ်ကၠုင်ဂှ် စိုပ်ကၠုင်အခေတ် ပၠန်ဂတးကွတ်စက်အဆံင် 4.0 Industry Revolution 4.0 ဗွဲမပြဟ် ပြံင်လှာဲအာရ။
ပ္ဍဲကဵုခေတ် IR 4.0 ဏံမ္ဂး
-ဥာဏ်ပတောအ်ကေုာံ စက်တံပွမလ္ရတ်ဗတောန် (Artificial intelligence and machine learning)
-ထပက်အဇာ နကဵုရုပ်စက်ရိုဗအ်အဆံင်သၠုင်င် (Advanced robotics and new forms of automation)

• အေန်တာနိတ်မိုဘိုင်လ် ဇၟာပ်ဒၞာဲ (Ubiquitous mobile internet)
  -ဒၞာဲမဆက်စၠောံလဝ်ကဵု အေန်တာနိတ်တံဂှ် ချိက်ဆက်ဒုင်အာရုံမာန် (Sensors and the internet of things)
  -နဲကဲပညာဗလံက်ချိင် ကေုာံ ပွမဒေပ်စွံစရင်အင် (Blockchain and distributed ledgers)
  -နဲကဲပတိတ်ရုပ် 3D (3D Prinying)
  -စကျယာဥျဟှံဒးစကာညးဒု (Autonomous vehicles-car and drones)
  -ကပေါတ်ပတိတ်ကၠောန်တၟိတၟိ (ပွမပြံင်လှာဲဂကူဗဳဇ၊ ပညာအေန်ဂျေန်နဳယာ ဇဳဝဗိုင်အို၊ ဂဥုဲတၟိ)
  -ဓါတ်လျးကပေါတ်ဂကူတၟိတၟိ
  -ပညာနဲကဲပကောံဒေပ်ခြိုင်စွံနာနာ (Storage Technologies)
  (တင်သမ္တီ-ကၠာဲလဝ်ဗွဲယာယဳရောင် ဟွံစိုပ်ဒၞာဲဂှ် ထပေင်ကေတ်ညိ)

ပၠန်ဂတးကဵု အပြံင်အလှာဲ
နကဵုသဘဴဓဝ်မ္ဂး ပၠန်ဂတးဂှ် ဖန်ဗဒှ်ကဵု အပြံင်အလှာဲမၞိဟ်တံ ဂးရ။ အပ္ဍဲဗီုပြင် လၟေင်အဆံင် ပၠန်ဂတးကွတ်စက်တံ ပြံင်လှာဲကၠုင်မံင်တံဂှ် ဇၟောဝ်ဍာ်ယေန်သၞာင်မၞိဟ်ပိုယ်တံလေဝ် မ္ဒးပြံင်လှာဲဍံင်ဗက်အာမာန်ကီုမှ ဗက်ကဵုဇၟောဝ် ခေတ်ဂှ်တုဲ မံင်စံင်တန်တဴ ဂွံမာန်ရောင်။

ဥပမာ ယေန်သၞာင် ပၠန်ဂတးကွတ်စက်အဆံင် (၁) အတိုင်ပကတိတြေံတေံဂှ် ယဝ်ရ ကၠုင်လးပၠးကဵု ပူရိသာဒ် IR 4.0 တ္ရဲဏံမ္ဂး ဗီုလဵုဒှ်အာမာန် ချိင်ဆတော်ကေတ်မာန်ညိ။ ဆဂး ယဝ်ရပံင်ပစပ်လေပ်မ္ဂး ပရဲပရင်ၜိုတ်လဵုတိတ်မာန်ရောဂှ် ကလေင်တော်ချိင်အာကီုညိ။

ဟိုတ်ဂှ်တုဲ ပ္ဍဲခေတ်လၟုဟ်ဏံ အဆံင်ဘဝဂကူပိုယ် အဆံင်မၞိဟ်ပိုယ် အဆံင်ပွဳပွိုင်ပိုယ် ကေုာံ ပိုယ်တံ ညးညးအဲအဲ တော်ဆစင်ခြင် ပကတ်ပကေင် စွံစိုတ်မံင်စံင်လေပ်မ္ဂး ခေတ် IR 4.0 ဏံဂှ် ဍံင်ဗက်အာ ဗွဲမပြေပြံင်ရောင် ညာတ်ရအဴ။

•..••´¯•.¸¸.•` 🎀 (တင်ဂုဏ်ရ- ဆက်ချူအာပၠန်ရောင် မင်ကဵုဇြဟတ်ညိအဴ…….) 🎀 `•.¸¸.•¯´••..•