ကွးဘာသှ်လိက်မန်ဥတုက္ညၚ် အလုံပွိုၚ်ဍုၚ်ရေဝ် (�

နူကဵုဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာသာ အလုံပွိုၚ်ဍုၚ်ရေဝ် ကၠောန်ဗဒှ်သ္ဘၚ်သၟာန်သွဟ်လိက်မန်ဥတုက္ညၚ် မရနုက်ကဵု(၃၉)ဝါ ဒၞာဲဌာနဘာကျာ်ဒဵုတၟအ်ဗြာတ် ကွာန်ပုပ္ဖဝတဳ ပွိုၚ်ဍုၚ်ရေဝ် တ္ၚဲဏံ ဂိတုပသာ်(၃)စွေက် ဂိတုမေ စၟတ်တ္ၚဲ-(၂၅) ဂှ် ကွးဘာ (၁၈၀၀) တၠပြင် လုပ်သှ်လဝ် ဂွံပရိုင်ရ။

“သၞာံတုဲတုဲကၠုၚ်တေံဂှ်တှၾေ အခိၚ်သွဟ်လိက်အလုံပွိုၚ်ဍုၚ်ရေဝ်မ္ဂး ကၠောန်သ္ပသှ်မံၚ်လိက် အကြာဘာန်တန်အလဵုအသဳလ္တူဍုၚ်ရေဝ်သၟးရဂၠိုၚ်တုဲ လက္ကရဴဏံ ဟိုတ်နူအကာဲအရာပရေၚ်ဍုၚ်ကွာန်ကီု ဟိုတ်နူလၟိဟ်ကွးဘာဂၠိုၚ်တိုန်ကၠုၚ်ကီုတုဲ ပ္ဍဲဌာနဘာကျာ်ဒဵုတၟအ်ဗြာတ်ဏံဒးရးဂၠိုၚ်ညိဏောၚ်ချပ်ဇန်တုဲ ရုဲစှ်ကၠုၚ်ဒၞာဲသွဟ်လိက်ဏံရ” သာ်ဝွံ ဥက္ကဌဂကောံဗ္တောန်လိက်ပတ်မန် ကေုာံ ယေန်သၞာၚ်ဗုဒ္ဓဘာသာ အလုံပွိုၚ်ဍုၚ်ရေဝ် ကျာ်ဇၞော်အ္စာဘဒ္ဒန္တပုပ္ဖရမ္မ ဘာဂေါခေတ္တာဍုၚ်ရေဝ် ဟီုမြော်လဝ်ဂလာန်ရ။

အပ္ဍဲလၟိဟ်ကွးဘာပ္တိုန်လဝ်စရၚ် လုပ်သှ်လိက်တံဂှ် တန်ယေန်သၞာၚ်ဒ္ဂေတ်ဝတ်-(၈၁၂)တၠ၊ တန်အဘိဓရ်-(၅၂၃)တၠ၊ တန်ဘာသာလိက်မန်-(၁၄၄)တၠ၊ တန်ဝၚ်ဟံသာဝတဳ-(၁၂၇)တၠ၊ တန်ဝၚ်မုတ္တမ-(၉၈)တၠ၊ တန်ဝၚ်သုဝဏ္ဏဘုံ-(၅၇)တၠ၊ တန်ဝၚ်လိက်ပတ်မန်-(၅၀)တၠ၊ တန်ဝၚ်အခိုက်ကၞာမန်-(၄၈)တၠ အပံၚ်သီုဖအိုတ် လၟိဟ်ကွးဘာ-(၁၈၅၉) တၠ နွံရ။

ကွးဘာလုပ်သှ်လိက် အပ္ဍဲပွိုၚ်ဍုၚ်ရေဝ်ဂှ် လၟိဟ်ဌာန(၆၅)ဌာနနွံတုဲ အပ္ဍဲဂှ် နူဌာနပွိုၚ်ဍုၚ်ဍာ်ဗုတံလေဝ် ပ္တိုန်လဝ်စရၚ်သွက်ဂွံလုပ်သှ်လိက်အပ္ဍဲပွိုၚ်ဍုၚ်ရေဝ်ရ သာ်ဝွံ ညးရေၚ်တၠုၚ်ဖဵုဂကောံဗ္တောန်လိက်ပတ်မန် ကေုာံ‌ ယေန်သၞာၚ်ဗုဒ္ဓဘာ- အလုံပွိုၚ်ဍုၚ်ရေဝ် တၠဂုဏ်အ္စာတေစိန္ဒ ဟီုမြော်လဝ်ရ။