ညးတြုံပွိုင်ဍုင်ဇြပ်ဗုပန်တၠ အာရာန်ကပေါတ်ထပိုဲပယျင် ကၠေံမံင်ပွိုင်ကဝက်ဂိတု

နူပွိုင်ဍုင်ဇြပ်ဗု ကောန်ကွာန်ကြုက်ပိၜါတၠ ကေုာံ ကောန်ကွာန်အင်ခေဝ်ၜါတၠ သီုဖအိုတ် ညးတြုံပန်တၠတံ သွက်ဂွံရာန်ကပေါတ်ထပိုဲပယျင် နူဂိတုမာတ်ချ် (၆) ဏံဂှ်ရ တိတ်အာနကဵုကွဳစက်တုဲ ကၠေံမံင် အဆက်ပိုတ်မံင်ကဵုသ္ရိဌာန်ညးတံ ပွိုင်ကဝက်ဂိတုရဏောင် ရဲကွာန်တံဟီုရ။

ကောန်ကွာန်ညးတံမွဲတၠဟီု “အာရာန်ကပေါတ်ထပိုဲပယျင် ညးပန်တၠဏံ တိတ်အာကဵုကွဳစက်တုဲ အဆက်ပိုတ်မံင် ကၠေံမံင်ဖိုဟ်၊ စိုပ်မံင်ဒၞာဲလဵုရော ဟွံတီ၊ ရဲသ္ရိညးတံ ဂွိင်မံင်အိုတ်အစောန်” ဂးရ။

ရဲကွာန်ကြုက်ပိ နာဲတာန်ဇြဝ် အာယုက် (၅၀) သၞာံကေုာံ သီုကဵုရဲသ္ကံညးတေံ နာဲအစေဝ်၊ ကေုာံ သီုကဵု ရဲကွာန်အင်ခေဝ်အာယုက်ၜိုတ် (၄၀) သၞာံ နာဲကောန်တဳ၊ နာဲကောန်ဍေတ်တံ ကၠေံအာမွဲစွံကီု ဂးရ။

နာဲတာန်ဇြဝ်ဝွံ ကၠောန်မံင်ကမၠောန်ဂကောံဂူယာဝါဗ္ရ သၟဝ်တဲဗော်ဍုင်မန်တၟိမွဲတၠကီု၊ ရဲကွာန်အင်ခေဝ်ၜါတၠဂှ် ကၠောန်မံင်ကမၠောန်ဝဳကၠိက်ကီု မုဟိုတ်သာ်လဵု ကၠေံအာဂှ် ပရိုင်မွဲသာ်မှ ဟွံတီလဝ်ရောင် တၠခန္ဓဆေင်စပ်တံ ဟီုဂးဂၠိုက်ဂၠာဲမံင်အိုတ်ရ။

ဂကောံရပ်လွဟ်မွဲမွဲ ရပ်ထိင်လဝ်ဟာ၊ လပါ်အလဵုအသဳတံ ရပ်လဝ်ကီုဟာ ဟွံဂွံတီပရောပရာ မွဲသာ်မွဲရာ ချိုတ်တ်ပၠိုတ်တ်ဏီတုဲ ရဲကွာန်နွံမံင်ဌာန်ဒေသတံ ဒှ်မံင်ဒွိင်အိုတ်ရောင် ဂွံတီရ။