![｡✮ 🎀 ညးလဵု ဂလုဲသှ်ေၜက်မံင် ပ္ဍဲခေတ် 𝐼𝓃𝒹𝓊𝓈𝓉𝓇𝓎 𝑅𝑒𝓋💞𝓁𝓊𝓉𝒾🌸𝓃 𝟤.💍 ဖိုဟ်ရော [၂ ] 🎀 ✮｡](https://usercontent.one/wp/mon.kaowao.asia/wp-content/uploads/2024/07/IMG_6503-360x180.jpeg)
![ညးလဵု ဂလုဲသှ်ေၜက်မံင် ပ္ဍဲခေတ် Industry Revolution 2.0 ဖိုဟ်ရော [၁]](https://usercontent.one/wp/mon.kaowao.asia/wp-content/uploads/2024/07/IMG_6234-360x180.jpeg)
July 27, 2023
ရးနိဂီုဍုင်သေံ ပ္ဍဲကဵုခရိုင်ပထုံဌာနဳဂှ် သၟာကမၠောန်ကောန်ဍုင်ဗၟာ (အာယုက် ၃၀ သၞာံ) မွဲ နကဵုပၟတ်ဓါတ်တောဲဇုက်ဓါတ်ယှံက်ကဂှ် ဓါတ်လလဳယှံက်တုဲ နူတနေံ ဂျူလာင် ၂၆ ဂှ် ဒးချိုတ်အာလဝ်နွံ လိက်ပရိုင်သေံတံ ချူပတိတ်ပရိုင်ရ။
ခရိုင်ပထုံဌာနဳ ပ္ဍဲကဵုပွိုင်ဍုင်မူအန်၊ ကွာန်ကဆေင် ဗဒါဲဗရံင်ဍာ်မွဲဒၞာဲ ညးတြုံမွဲလောတ်လေဝ်ဒေါမ်ချိုတ်မံင်ဂးတုဲ ညးတာလျိုင်တံ အာစိုပ်ဂၠိုက်ဂၠာဲစၟဳစၟတ်လဝ်ဂှ်မ္ဂး ဇုက်ဓါတ်၊ ပလာယာ သီုကဵုပၟတ်ဓါတ်မွဲ သ္ပလဝ်ကရိယာယှံက်က နွံမံင်ကရပ်ညးတေံ ဆဵုလဝ်မွဲကရောံဂးရ။
ညးချိုတ်အာဏံဝွံ ဒှ်ကောန်ဍုင်ဗၟာ သၟာကမၠောန်ဂဝ်သင်ပရန် ကၠောန်မံင်ပ္ဍဲကွာန်ကဆေင်ဂှ်ရောင် ညးတာလျိုင်ဗၠာဲသၟိင်တံ ဆက်ဂၠိုက်ဂၠာဲပရူဒဒှ်တုဲ ဂွံတီရ။
ဂကောံပရဟိတဒေသတံ ကၠုင်ကပှ်ကေတ်ဇွညးမချိုတ်လဝ်ဏံတုဲ ပလံင်ဗစိုပ်ဏာ ရုင်ဂဥုဲပွိုင်ဍုင်မူအန်ရ ဂွံလဝ်ပရိုင်ရ။
ဗီုဒဒှ်ဏံကီု ပ္ဍဲခရိုင်နန်ထပူရဳလေဝ် တုဲကၠုင်ဂိတုမေတေံ ကောန်ဍုင်ဗၟာ ၂ ဗၟာ ပယှံက်က နကဵုပၟတ်ဓါတ်တံဂှ် ဓါတ်လလဳယှံက်တုဲ ကေင်ချိုတ်လဝ် နွံကီု လိက်ပရိုင်သေံတံ ချူလဝ်ရ။
