ဒၞာဲကွာန် KNU တံလုပ်ချဳဒရာင် ဒပ်ဗၟာပန်ဖျေံအမၠံက်လွဟ်ဇၞော်တုဲ ကောန်ကွာန်ဒးဂြိပ်ပါဲမံင်ဘဲပၞာန်

ကဴဝဴ- ၂၀၂၃ ဂျူလာင် (၂၄)

တွဵုရးမန် ပ္ဍဲပွိုင်ဍုင်သထီု ဒၞာဲဒပ်ကရေင် KNU မဟာဒပ် (၁) ချဳဒရာင်မံင်တံဂှ် စနူ ဂျူလာင် ၂၁ ဏံ ဒပ်အမၠံက်ပၞာန်ဗၟာ ထဍိုင်ပန်မံင်ကဵု မကမ်လွဟ်ဇၞော်ဗွဲမဂၠိုင်တုဲ ရဲကွာန်ကဇြိုင် ကောန်ကွာန်ဒးဝပ်မွဲတၠဂှ်ရ ကောန်ကွာန် ဗဒါဲပိလ္ရီဂြိပ်ပါဲဒဴမံင်အိုတ်ယျ ဌာန်ဂအုပ်ဗဟဵု KNU ပတိတ်လဝ်ပရိုင်ရ။

မွဲလပါ်ပၠန် ရဲဒပ် KNU/ PDF ပံင်တောဲတံ နကဵု Drop Bomb ပန်ထောံဖျေံမံင်ဗုမ် ပ္ဍဲကဵုဒၞာဲပလေဝ်မံင် ဒဒန်ကြုင်အိတ်မွဲဏှမွဲဏှနွံမံင်တုဲ နူလပါ်ဒပ်ပၞာန်ဗၟာတံ ကလေင်ထဍိုင်ပန်ဖျေံ လွဟ်ဇၞော်အကြာ ဒၞာဲဒပ် KNU/ PDF ချဳဒရာင်အာကၠုင်မံင်ဂှ်ရောင် ရဲတြးဝါဒပၞာန်ဗၟာတံ ချူမံင် ပ္ဍဲ Telegram တံ ဂွံဆဵုရ။

ဒပ်ပၞာန်ဗၟာ ခမရ-၉ ကေုာံ ဒပ်အမၠံက် အမတ ၃၁၄ တံ ထဍိုင်ပန်ကဵုလွဟ်ဇၞော်တုဲ ဒဝ်မဝေန် အာယုက် ၃၅ ဒးဝပ် ရဲကွာန်ယှိုဲယံင်ပျ၊ ဇြဳဝန်၊ အဝေန်ကျဳတံ ဒးဂြိပ်ပါဲတိတ်နူကွာန်အိုတ်ရ။

ကောန်ကွာန်မွဲဟီု “မကမ်လွဟ်ဇၞော်သၟး မွဲမတုဲမွဲမ ကၠဟ်ဖျေံမံင်တုဲ ဗီုလဵုမှ ဆက်မံင်ပ္ဍဲကွာန် ဟွံဂွံရ၊ ပိုဲတံဂှ် ဂြိပ်ပါဲတိုန်လပါ်ဍုင်ရ”

ပ္ဍဲဒၞာဲဘာလကျာ်လ္တူဍုင်သထီုဗွဲမဂၠိုင် ကောန်ကွာန်ဂြိပ်ဒဴလဝ်ဘဲပၞာန်လၟုဟ်ဏံ ပြံင်စိုပ်ကၠုင်မံင် သေဲသေဲနွံမံင် ရဲဍုင်သထီုမွဲတၠ ဟီုလဴရ။

ပြဟ်ဟ်ဏံ ပ္ဍဲတိဍာ် KNU တံဂှ် ရဲဂြိပ်ဒဴပၞာန် ဗၞတ် ၆ ကိုဋ် စိုပ်ကၠုင်မံင်ရောင် လလောင်လဝ်ပရိုင် အာတ်မံင်အရီုဗင်ဂှ် ဂွံဆဵုရ။

Photo- KNU-HQ.