ကဴဝဴ ဂျောန် ၁၂၊ ၂၀၂၃။
.ဗော်သွက်ဂွံပလီုသၞောတ်ဧကရာဇ်ဂှ် ညံင်ဟွံကဵုမာဲထံက်ဂလာန်ဂးတုဲ “ဂကောံညးဆာန် ဧကရာဇ်”တံ တ္ရဲဏံအခိင်နူဂယး ၉ ဍဳ စိုပ်ကၠုင်ဒၞာဲစမြာင်စၠတ်ဓရ်ဍုင်သေံတုဲ ကဵုဗစိုပ်လိက်ပံက်ထာင် ကုအမာတ်စၠတ်ဓရ်လ္တူဂမၠိုင်ရ သာ်ဝွံ ဌာနပရိုင်သေံတံ ချူပတိတ်ရ။
သွက်ဂွံရုဲစှ်သ္ကိုပ်ဝန်ဇၞော်ဂှ် ကာလအမာတ်စၠတ်ဓရ်သၟဝ်ကေုာံ စၠတ်ဓရ်လ္တူတံ ဖျေံသ္ဂုတ်သွာတ် ပါ်မာဲမ္ဂး ပလေဝ်သၞောဝ်ၝောံပိုဒ် ၁၁၂ တုဲ ဗော်သွက်ဂွံပလီု သၞောတ်ဧကရာဇ်ဂှ် ညံင်ဟွံကဵုမာဲ အာတ်မိက်လဝ်ရောင် ဂးရ။
.ယဝ်ရဒးသၞောဝ်ဧကရာဇ်မ္ဂး ညးဍုင်ကွာန်နကဵုလၟိတ်ကိုဋ်သင်ဃဲဗွဲမဂၠိုင်တံ တိတ်လ္တူဂၠံင်ရောင် ဥက္ကဌ ဂကောံညးဆာန် ဧကရာဇ် Prayoon Jitphet ဟီုလဝ်ကဵု လိက်ပရိုင် ပရချာရ။
.နကဵုသ္ဇိုင်သၞောဝ်ဥပဒေသေံမ္ဂး သွက်ဂွံရုဲစှ်ဒၞာဲသ္ကိုပ်ဝန်ဇၞော်အုပ်ဓုပ်ဍုင်ဂှ် ကာလအမာတ်စၠတ်ဓရ်သၟဝ် ၅၀၀ တၠကေုာံ အမာတ်စၠတ်ဓရ်လ္တူ ၂၅၀ တၠတံ ဒးပါ်မာဲရောင် ဂွံတီရ။
![](https://usercontent.one/wp/mon.kaowao.asia/wp-content/uploads/2023/06/353636116_644091371093521_1415887941487744754_n-1024x576.jpg)
.