ပ္ဍဲဗရံင်ဍာ်သၟဝ်ဒဒန်နေပျဳဒဝ်မွဲဒၞာဲ ညးဗြဴမွဲတၠဓဝ်သၠးကေတ်ပဋိသန္ဓိတုဲ ကောန်င္ရာ်ချိုတ်အာ

ကဴဝဴ ဂျောန် ၁၂၊ ၂၀၂၃။

ပ္ဍဲနေပျဳဒဝ်၊ ဍုင်ပြေင်ပၞာန်(ပျဥ်းမနားမြို့) သၟဝ်ဒဒန်အပ္ဍဲဗရံင်ဍာ်မွဲဒၞာဲ နူတနေံတေံ ညးဗြဴမွဲတၠဓဝ်ဟေင် သၠးကေတ်ပဋိသန္ဓိတုဲ ကောန်င္ရာ်ချိုတ်အာလဝ် ဂွံပရိုင်ရ။  

ဂျောန် ၁၁ ပယျာံအခိင်သဝ်တ္ရဲ လပါ်ဂၠံင်တိတ် ဍုင်ပြေင်ပၞာန် ဂၠံင်တြေံလာဝေ သၟဝ်ဒဒန်ဗရံင်ဍာ်မွဲဂှ် ညးဗြဴဂွံလဝ်ပဋိသန္ဓိမွဲတၠဓဝ်ဟေင် ၜံၚ်ပၟတ်သၠးမံင်ဂဝ်ဂၞဴ ဒှ်မံင်ဒဒိုက် မၞိဟ်ဆဵုညာတ်ဒးတံ ဆက်ဖုင်အာတ်ကၠုင်အရီုဗင်တုဲ ဂကောံပရဟိတမွဲဂကောံ အာရီုဗင်လဝ် ဂွံတီရ။   

“ကောန်င္ရာ်ဗြဴဏံ မံင်ဒၟံင်ပွိုင်ဍုင်ပုပ္ဗသဳရိ၊ အာပလံင်ကပေါတ်သာဝတ္ထိ လပါ်ကလေင် လိင်နင်ကွဳလိုန်ဓါတ်စဴကၠုင်ဂှ် အဃောအာပဿဴဒကဲဂၠံင် ကောန်င္ရာ်ဂလုဲတိတ်ကၠုင်၊ ကောန်င္ရာ်ဏံ ချိုတ်ကၠုင်နူအပ္ဍဲဗုင်တေံရ” ရဲဂကောံပရဟိတ ဍုင်ပြေင်ပၞာန် ဟီုလဝ်ကဵုမဳဒဳယာတံရ။

ညးဗြဴအာယုက် ဗၞတ် ၂၅ သၞာံ တန်လဝ်ပဋိသန္ဓိ ၆ ဂိတုရနွံ ရဲပရဟိတ ဆက်ဟီုလဴရ။  

အခိင်ကွဳစက်ရီုဗင်စိုပ်အာဂှ် အတိုင်သုက်ကောန်င္ရာ်ဟွံပိုတ်ဏီ ချိုတ်မံင်ဂွံဆဵုတုဲ ပလံင်ဏာလဝ် ရုင်ဂဥုဲဇၞော်နကဵုမၞိဟ်ယဲတၟေင် ဂွံတီရ။